فجر إبراهيم حنانا، المستشار بجهة كلميم واد نون، معطيات خطيرة بخصوص تكلفة مشاريع السدود الصغيرة، التي أطلقت بشأنها رئيسة الجهة، امباركة بوعيدة، طلبات عروض بعد المصادقة على القيمة الأولية للصفقة. وأشار حنانا إلى أن “تكلفة الانجاز” تضاعفت بشكل غير مبرر بعد إسناد الصفقة لمقاول، ما أثار جدلاً واسعًا حول طبيعة هذه المشاريع.
واتهم حنانا بوعيدة بإطلاق طلبات عروض للسدود بتكلفة تفوق ما تم الاتفاق عليه في دورة 2022، “لولا يقظة المعارضة التي كشفت هذه المخالفات”. وأكد في مداخلته خلال أشغال الدورة العادية لشهر يوليوز، قائلاً: “ما يمكنش تجيبي لينا اتفاقية فيها أربعة ديال الوراق وتقولي لينا ها هي، خاصنا نعدلوها. خاص الاتفاقية كاملة تتعاود وتجيبي لينا مذكرة توضيحية بخصوص هاد الأثمنة اللي تغيرو، آشنو هو السبب اللي غيّرهم.”
وأوضح حنانا، المنتمي لفريق الحركة الشعبية (المعارضة)، قائلًا: “كيفاش نتي لونصيتي مشروع وشدّو مقاول وجيتي باغية تعاودي ديري الميزاجور للصفقة؟ ما يمكنش. كان عليك ديري دراسة قبل ما تلونصي المارشي، راك لونصيتي المارشي وشدّو المقاول، وشدّو بأكثر من الثمن اللي خصصتي ليه.”
وطالب حنانا بمذكرة توضيحية لكل مشروع تشرح سبب زيادة التكاليف، مخاطبًا بوعيدة المنتمية لحزب التجمع الوطني للأحرار: “خاصك تجيبي لينا تا تكلفة المشاريع اللي دّارت على الصعيد الوطني، خاصنا نبيْنوها للناس هنايا. راه السدود فالمغرب كامل تخصصات ليهم 427 مليار، فيهم 129 مشروع. كيفاش حْنا عندنا 10 دالسدود صغار وخصصنا ليهم 85 مليار؟”.
وأضاف المستشار عن فريق المعارضة موضحًا: “ما يمكنش 40 مليون متر مكعب ديريها بـ85 مليار. راه كاين ناس اللي دارو 25 باراج وباراجات كبار وكلفوهم 60 مليار. حنا 10 دالسدود صغار وغيكلفونا 85 مليار. را الميزانية ديال الجهة كتستنزف بهاد الطريقة. راه ما يمكنش سد خصصنا ليه 3 مليار ومشيتي هزيتي التكلفة ديالو لـ15 مليار، وكاين سد خصصنا ليه مليار وطلعات التكلفة ديالو لـ5 دالمليار، وا كاع هادي نسبة ؟ ما تزادت 10 فالمية، ما تزادت 20 فالمية، راه تزادت 165 فالمية. كيفاش هاد مكتب الدراسات غادي يغلط فالدراسة؟ عطيوْنا الدراسة نشوفو كيفاش ترفعات هاد الأثمنة من 3 دالمليار لـ15 مليار. التكلفة مبالغ فيها.”
حنانا تطرق أيضا للموضوع في منشور مطول على صفحته الشخصية بفيسبوك، مؤكدًا أن “ملحق اتفاقية السدود الذي تم المصادقة عليه أمس وبعد فضح طريقة إعلان صفقات السدود من خلال نفخ التكلفة المالية لهذه السدود حيث تم زيادة تقريبا 400% من التكلفة التي خصصها المجلس. على سبيل المثال، سد تاروراست تم المصادقة عليه بتكلفة 3 مليارات، وعند إعلان الصفقة تم رفع التكلفة إلى 15 مليار، أي بزيادة 400%. وكذلك سد صغير تم تخصيص له مبلغ مليار سنتيم، وعند إعلان الصفقة تم رفع المبلغ إلى 5 مليارات، أي بزيادة 310% تقريبًا. وهاد زيادة داروها بدون مايرجعوا للمجلس، دارو شرع أيديهم وحدهم.”
وتابع حنانا “بغيتكم تركزوا معايا مزيان في هاد الموضوع. هاد السدود جاو في واحد البرنامج الوطني، جميع الجهات تقريبا سوف تستفيد منه، وخصصت له تكلفة 427 مليار سنتيم. مجموع عدد السدود المستهدفة هو 129 مشروع، فيهم السدود الكبيرة والمتوسطة والصغيرة، الطاقة الاستيعابية لجميع السدود هي 472 مليون متر مكعب. جهة كلميم واد نون سوف تستفيد من 10 سدود صغيرة تلية بطاقة استيعابية 40 مليون متر مكعب، وكانت خصصت لها في دورة يوليوز 2022 مبلغ 43 مليار، وهو رقم كبير مقارنة مع عدة جهات.”
وأضاف المستشار ذاته: “المشكل الكبير هو فاش فضحهم الله وكيقلبو على تخريجة كفاش يستروا طريقة باش تم نفخ المبلغ. لقاو فتوى بأنهم خصهم يديرو ملحق للإتفاقية، ولكن كيفاش واحد أعلن على الصفقة ودار فتح الأظرفة، وشدها مقاول، وقالو ليه سير بدا الخدمة، وجاو اليوم بغاو يعاودو التكلفة المالية من جديد. والتكلفة التي خصصت من جديد لهذه السدود هي 85 مليار عوض 43 مليار، أي بزيادة مئة في المئة. وغادي تشوفو التركيبة المالية لكل سد باش تشوفو فين تزادت 393 في المئة لبعض السدود.”
واختتم حنانا: “درنا مقارنة مع بعض الجهات لي عندهم 22 سد أكبر من هذه السدود لي عندنا وبتكلفة 60 مليار فقط، أقل بكثير من التكلفة التي خصصت لسدود جهتنا. كونوا على يقين بأنهم غادي يسرعوا بتنفيذ هذه المشاريع بأي طريقة. الفاهم يفهم، والاتفاقيات اللي سابقين لي العدد ديالهم يفوق 200 اتفاقية غادي يبقاو في الرفوف.”
