الحداد:” انتهى ارتباطي بالوداد وسأتحول إلى مشجع والفريق سيعود أقوى”

أعلن إسماعيل الحداد نهاية ارتباطه بفريق الوداد الرياضي.
وقال الحداد في رسالة وداعية في حسابه على “إنستغرام”،” لكل بداية نهاية.. هاد الموسم كان هو الأخير ليا مع الوداد..رجعت للفريق في ظروف صعبة، وكان الأمل ديالي كبير نقدم كل ما في جهدي باش نساعد الفريق ديالي، لكن للأسف عشنا موسم استثنائي وصعيب”.
وأضاف الحداد:” كنعتادر للجمهور الودادي العريض، لأننا ما سعدناهش هاد العام، كيفما تعود على الوداد في العشر سنين الأخيرة..
كنبغي نودع العائلة الودادية، لأن هذا موسمي الأخير مع هاد النادي العظيم، ومن اليوم غادي نكون مشجع للنادي، كيفما كنت دائما.
قوة الوداد في الاتحاد ديالو، وفي التلاحم في الظروف الصعبة قبل المزيانة، وبتظافر الجهود ديال كل المكونات غادا ترجع الوداد قوية ومخيفة في الداخل كيما في الخارج”.
وعاد الحداد لإرتباطه بالوداد وقال:”باش نلعب للوداد هذا كان حلم، والحمد لله تحقق ليا، وباش نفوز مع النادي ديالي بالألقاب وبالبطولات وبعصبة الأبطال، هذا كان الحلم الأكبر وتحقق والحمد لله”.
وختم:” شكرا لكل اللاعبين اللي لعبت معاهم، لكل المدربين اللي دربوني، وساعدوني في المشوار ديالي، شكرا لكل المسيرين وفي مقدمتهم الأب الروحي سعيد الناصري الله يفك سراحو.
شكرا لجمهور الوداد الكبير، أحسن جمهور في العالم، على الدعم وعلى الحب ديالكم..
شكرا للوينيرز الدرع الحصين للوداد، واللي مازال الصدى ديال التشجيع ديالهم وصوتهم المرعب في المدرجات كيتردد”.